Á dögunum kom út fræðslubæklingur á vegum verkefnisins Hörfandi jöklar. Bæklingurinn gefur innsýn í þá breytingar sem hlýnandi loftslag hefur á skriðjökla Vatnajökuls. Líta má á svæðið sem lifandi kennslustofu í loftlags – og jöklabreytingum. Í kólanandi loftslagi ryðjast jöklar fram, grafa djúpa dali og eyða grónu landi. Þegar hlýnar hopa þeir og skilja eftir sig urðir, vötn og sanda sem smám saman glæðast lífi á ný. Bæklingurinn er á íslensku og ensku og má nálgast í gestastofum Vatnajökulsþjóðgarðs.

Nýverið komu í ljós nokkrir trjábolir í setlögum við Breiðarmerkurjökul. Talið er að drumbarnir séu úr birki og hafi jafnvel farið undir jökul fyrir þúsundum ára, en setlagið sem drumburinn fannst í er um 3000 ára gamalt.

Forseti Íslands, herra Guðni Th. Jóhannesson, og kona hans, frú Eliza Reid, heimsóttu í gær Gljúfrastofu í Ásbyrgi. Var heimsóknin hluti af dagskrá forsetans í opinberri heimsókn hans í Norðurþing.

Vatnajökulsþjóðgarður, Sveitarfélagið Hornafjörður og stofnanir Nýheima í samstarfi og með stuðningi landeigenda og fyrirtækja á Hornafirði standa fyrir strandhreinsun á degi íslenskrar náttúru, laugardaginn 16. september. Í ár ber Alþjóða strandhreinsunardaginn upp á sama dag og er því við hæfi að tileinka daginn strandlengju sveitarfélagsins og hafinu.