Vatnajökull | Hörfandi jöklar

After Ice from Kieran Baxter on Vimeo.

After Ice er heimildamynd gerð af fræðimönnum við Rannsóknasetur Háskóla Íslands á Höfn í Hornafirði og Dundee-háskóla í Skotlandi.  Í myndinni er nýjustu tækni beitt til þess að varpa ljósi á þau miklu áhrif sem hlýnandi loftslag hefur haft á bráðnun jökla á Íslandi. Myndin var frumsýnd 11. mars 2021.  Höfundar veittu þjóðgarðinum góðfúslegt leyfi til að sýna myndina á vefsíðu þjóðgarðsins. 

Verkefnið

Þessi fræðsluvefur er hluti af verkefninu Jöklar Íslands – lifandi kennslustofa í loftslagsbreytingum, hér eftir kallað Hörfandi jöklar. Verkefnið er samvinnuverkefni Vatnajökulsþjóðgarðs og Veðurstofu Íslands, fjármagnað af umhverfis- og auðlindaráðuneytinu, og unnið í samvinnu við Náttúrustofu Suðausturlands og Jöklahóp Jarðvísindastofnunar Háskólans. Markmið verkefnisins, sem er hluti af sóknaráætlun Íslands í loftslagsmálum, er að auka vitund fólks um loftslagsbreytingar og áhrif þeirra á jökla á Íslandi sem og annars staðar á jörðinni.

Vinir Vatnajökuls styrktu gerð fræðsluvefsins.

Vatnajökull og útlínur Vatnajökulsþjóðgarðs sýndar með skyggingu, ásamt nærliggjandi vernduðum svæðum.