Stuðningur við loftslagsyfirlýsingu Festu og Sveitarfélagsins Hornafjarðar
Föstudaginn 26. febrúar var undirrituð loftslagsyfirlýsing Festu og Sveitarfélagsins Hornafjarðar. Markmið verkefnisins er að samvinna Festu, Sveitarfélagsins Hornafjarðar og fyrirtækja og stofnana á svæðinu í umhverfis og loftslagsmálum.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F1e30ce1d-bc71-4aef-b5a9-e132bc6f6c4b_2021%2B02%2B26%2B-%2Bstudningur%2Bvid%2Bfestu.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Föstudaginn 26. febrúar var undirrituð loftslagsyfirlýsing Festu og Sveitarfélagsins Hornafjarðar. Markmið verkefnisins er að samvinna Festu, Sveitarfélagsins Hornafjarðar og fyrirtækja og stofnana á svæðinu í umhverfis og loftslagsmálum. Lögð er áhersla á að sýna samfélagslega ábyrgð í verki með því að :
- Draga úr losun gróðurhúsalofttegunda
- Minnka myndun úrgangs
- Mæla árangurinn og gefa reglulega út upplýsingar um stöðu ofangreindra þátta.
Vatnajökulsþjóðgarður fagnar yfirlýsingu Sveitarfélagsins Hornafjarðar og styður verkefnið enda er sjálfbær þróun og vernd náttúrunnar höfð að leiðarljósi í allri starfsemi, samvinnu og ákvarðanatöku stofnunarinnar. Stefna Vatnajökulsþjóðgarðs er að vera til fyrirmyndar í umhverfismálum og að vera öflugur í að miðla fræðslu til almennings um loftslags- og umhverfismál. Þjóðgarðurinn hefur sett sér markmið bæði í umhverfis-, loftlags-, innkaupa- og samgöngustefnu. Þjóðgarðurinn vinnur einnig markvisst umhverfisstarf samkvæmt Grænum skrefum ríkisstofnana. Innleiða á fjórða græna skrefið af fimm á árinu.
Yfirlýsing Sveitarfélagsins Hornafjarðar og stuðningur þjóðgarðsins við verkefnið, ásamt skýrri leiðsögn Heimsmarkmiða sameinuðu þjóðanna um sjálfbæra þróun, gefur því tækifæri á enn öflugri og jákvæðari framgangi í átt að sjálfbærara samfélagi.
Steinunn Hödd Harðardóttir, starfandi þjóðgarðsvörður á suðursvæði, undirritaði yfirlýsinguna fyrir hönd Vatnajökulsþjóðgarðs.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Ff2085e4e-73c1-4131-973c-bdc8c3bbd0d9_2021%2B02%2B26%2B-%2Bstudningur%2Bvid%2Bfestu%2B2.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D1230&w=3840&q=80)
Matthildur Ásmundardóttir, bæjarstjóri Sveitarfélagsins Hornafjarðar
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F2fa1ffa6-258b-44e7-bf39-e19fa6e74735_2021%2B02%2B26%2B-%2Bstudningur%2Bvid%2Bfestu%2B3.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D1230&w=3840&q=80)
Steinunn Hödd Harðardóttir, starfandi þjóðgarðsvörður á suðursvæði, undirritar yfirlýsinguna fyrir hönd Vatnajökulsþjóðgarðs.