Náttúran kallar - Fræðsludagskrá sumarið 2026

Fræðsludagskrá Vatnajökulsþjóðgarðs, Snæfellsjökulsþjóðgarðs og Náttúruverndarstofnunar hefur verið birt og er áhersla lögð á fjölbreyttar fræðslugöngur sem henta flestum. FræðslutímabilIið er að jafnaði frá 15. júní til 15. ágúst á láglendi og 15. júlí til 15. ágúst á hálendi.

Fræðsla er einn af hornsteinunum í starfsemi þjóðgarðs. Í sumar er fjölbreytt fræðsla í boði, vítt og breitt um víðfem svæði þjóðgarðsins: Barnastundir, síðdegisrölt eða kvöldspjall. Einnig er boðið upp á sérstaka viðburði eins og Dag hinna villtu blóma, Alþjóðadag landvarða, geimfaragöngu eða brennu og söng. Landverðir og annað starfsfólk þjóðgarðsins standa síðan vaktina í gestastofum, á starfsstöðum þjóðgarðsins og úti í mörkinni, boðnir og búnir til að taka á móti ferðalöngum sumarsins.

Við hvetjum alla gesti til að kynna sér dagskrána og taka þátt í fræðslugöngum og viðburðum sumarsins.

Öll velkomin!