Fræðsludagskrá
Hér má finna fræðsludagskrá Vatnajökulsþjóðgarðs fyrir 2026. Fræðslugöngur eru stuttar göngur í fylgd með landverði og eru gjaldfrjálsar. Göngurnar eru auðveldar og ættu að henta flestum.
Skaftafell
Fræðslutímabil 15. júní - 15. ágúst
Fjölskyldustundir
Skaftafellsstofa
Allar helgar frá 4. júlí – 3. ágúst kl. 11:00
Lengd: 45 mín
Fyrir alla krakka á aldrinum 6-12 ára og fjölskyldu þeirra. Leikir og náttúruskoðun með landverði. Hittumst í hress og kát í Skaftafellsstofu!
Hörfandi jöklar
Skaftafellsstofa
Alla daga kl. 10:30
Lengd: 1 - 1 ½ klst
Gengið er að Skaftafellsjökli og áhrif jökla á landslagið rædd og hvaða áhrif við höfum á jöklana.
Búseta í návígi jökla
Skaftafellsstofa
Alla daga kl. 14:00
Lengd: 1 ½ - 2 klst
Menning, saga og samspil manna og náttúrunnar endurspegluð í göngu um sögu Skaftafells.
Viðburðir í Skaftafelli
14. júní - Dagur hinna villtu blóma klukkan 13:00
27. júní - Fjölskyldustund klukkan 11:15
31. júlí - Alþjóðadagur landvarða - landvarðaleikar klukkan 11:00
8. ágúst - hinsegin ganga/gleðiganga - klukkan 11:00
16. september - Dagur íslenskrar náttúru klukkan 13:00
31. október - Hræðsluganga klukkan 17:00
16. nóvember - Dagur íslenskrar tungu klukkan 13:00
12. desember - Jólasveinaganga klukkan 11:00
Verslunarmannahelgin:
31. júlí Hamfaraganga klukkan 22.00
1. ágúst ratleikur fyrir alla, stóra sem smáa
2. ágúst Brenna og söngur klukkan 21.00
Jökulsárlón
Fræðslutímabil 1. júní - 30. september
Jökulsárlón
Bláa gullið
Bekkirnir við lónsbakkann við aðalbílastæðið við Jökulsárlón
Alla daga kl. 11:00
Lengd: 1 klst.
Sérstaða Jökulsárlóns rædd í göngu um bakka lónsins og rýnt í landslagið og hvernig það breytist þegar jökullinn hörfar. Samspili fólks og náttúru velt upp og því hvernig Breiðamerkursandur hefur farið frá því að vera með fáfarnari stöðum landsins í einn vinsælasta áningarstað ferðafólks á Íslandi.
Fræðslutímabil 15. júní - 15. ágúst
Fjallsárlón
Fjallað um Fjall
Vesturströnd gönguleiðarinnar við Fjallsárlón
Alla daga kl. 15:00
Lengd: 45 mín
Gengin hringleið við Fjallsárlón og fjallað um sambúð manns og náttúru á svæðinu ásamt áhrifum vatns, jökuls og eldgosa á Breiðamerkursandi. Hvernig var eitt afskekktasta svæði Íslands fyrr á öldum?
Viðburðir á Breiðamerkursandi
31. júlí - Alþjóðadagur landvarða klukkan 11:00
16. September – Dagur íslenskrar náttúru klukkan 11:00
11. október – Hreindýradagurinn
16. nóvember - Dagur íslenskrar tungu
Aðventuhelgar í desember
(5. og 6., 12. og 13., 19. og 20.)
Kaffi og fræðsla hjá eldstæði við Jökulsárlón
Jökulsárgljúfur
Fræðslutímabil 15. júní - 15. ágúst
Ásbyrgi
Barnastund
Tjaldsvæði í Ásbyrgi
Alla daga kl. 11:00
Lengd: 45 mín
Fyrir krakka á aldrinum 6-12 ára. Leikir og náttúruskoðun með landverði. Foreldrar velkomnir með. Hittumst hress og kát!
Ásbyrgi
Kvöldrölt
Við þjónustuhús á tjaldsvæði, nema annað sé auglýst
Alla daga kl. 20:00 (1. júlí -15. ágúst)
Lengd: um 1 klst.
Kvöldrölt um nánasta umhverfi Ásbyrgis þar sem landvörður fjallar til að mynda um jarðfræði, gróður og dýralíf.
Gljúfrastofa
Lykillinn að gljúfrum
Alla daga í júlí á milli kl. 14:00-15:00
Landvörður tekur á móti gestum og segir frá undraveröld Jökulsárgljúfra.
Vesturdalur
Hljóðaklettarölt
Bílastæði við Hljóðakletta
Alla daga í júlí kl. 14:0
Lengd: um 1 ½ klst
Gengið er með landverði um Hljóðakletta og rýnt í landmótunina, forvitnilegar jarðmyndanir, vafna stuðla og býkúpuveðraða kletta, og hella.
Viðburðir í Jökulsárgljúfrum
23. júlí - Svínadalsganga klukkan 11:00
Upphafsstaður: landvarðahús í Vesturdal. Gengið er um Svínadal þar sem búseta og náttúra í dalnum eru umfjöllunarefni.
Askja, Holuhraun & Herðubreiðarlindir
Fræðslutímabil 15. júlí - 15. ágúst
Askja
Hálendiskyrrð & kraftar
Askja, bílastæði við Vikraborgir
Alla daga kl. 13:00
Lengd: 1 - 1 ½ klst
Gengið er að Víti (2,4 km) og rýnt í jarðfræði Öskju og Dyngjufjalla, krafta og dulúð - og örlagaríkar
heimsóknir manna.
Holuhraun
Land í mótun
Holuhraun - landvarðahús í Dreka
Alla daga kl. 9:30
Lengd: 45 mín + 40 mín akstur
Holuhraun (2014-2015) myndaðist í stærsta hraungosi á Íslandi í 230 ár. Fjallað er um rannsóknir á svæðinu og eldvirkninni og megineldstöðvum í kring gerð skil, ásamt sambýlinu og nálægðinni við Bárðarbungu. Ekið í samfloti að Holuhrauni frá landvarðahúsi.
Herðubreiðarlindir
Vin í eyðimörkinni
Herðubreiðarlindir, Þorsteinsskáli
Alla daga kl. 9:00
Lengd: 45 mín
Í aldaraðir hafa Herðubreiðarlindir verið griðastaður lífs mitt í svartri hraunbreiðu Ódáðahrauns. Gengið er um lindirnar gróðursælu og rýnt í hið smáa í náttúrunni sem og öflin sem mynduðu hraunið, lindirnar og Herðubreið.
Viðburðir í Öskju & Herðubreiðarlindum
10. júlí - Knebelsganga, klukkan 13:00, 1-1 ½ klukkustund, Vikraborgir. Knebelsganga er haldin árlega til minningar um Þjóðverjana Knebel og Rudloff sem hurfu við jarðfræðirannsóknir við Öskjuvatn þennan dag árið 1907. Í göngunni er einnig sögð ferðasaga Inu von Grumbkof, unnustu Knebels, sem ferðaðist að Öskjuvatni árið 1908 til þess að vitja unnusta síns.
31. júlí - Alþjóðadagur landvarða. Landverðir bjóða upp á kaffi og spjall í landvarðahúsinu í Drekagili kl. 15-17, og fræðslugöngu upp á strýtu við Drekagil kl. 18 (30 mín). Rýnt í fjallahringinn og jarðfræðina.
31. júlí - Geimfaraganga klukkan 20:00, Drekagil, 2-3 klukkustundir. Kvöldganga í (astro)Nautagil, á svæði sem oft hefur verið líkt við tunglið. Saga geimfaraheimsóknanna er rifjuð upp og margbrotin tengsl svæðisins við stjörnugeiminn dregin fram í tungsljósið.
Snæfellsstofa & Hengifoss
Fræðslutímabil 15. júní - 15. ágúst
Barnastund
Snæfellsstofa
Alla daga kl: 14:00
Lengd: 45 mín
Fyrir krakka . Leikir og náttúruskoðun með landverði. Hittumst hress og kát!
Hengifoss
Dropinn holar steininn
Hengifoss, bílastæði
Alla virka daga kl. 10:00
Lengd: 1 klst
Gengið að Litlanesfossi og fjallað um jarðfræði og sögu svæðisins. Litlanesfoss er umlukinn stuðlabergi en ofar í gilinu trónir Hengifoss, annar hæsti foss landsins og einn vinsælasti ferðamannastaður Austurlands.
Hálslón
Viðvera landvarðar
Fimmtudaga og laugardaga frá frá kl. 12:00-16:00 (15.06 -31.08)
Landvörður veitir upplýsingar og fræðslu til gesta.
Snæfell, Kverkfjöll & Hvannalindir
Fræðslutímabil: 15. júlí - 15. ágúst
Snæfell
Kvöldstund með landverði
Snæfellsskáli
Alla daga kl. 20:00
Lengd: 1 klst.
Landverðir bjóða í kvöldspjall um fjölbreytta náttúru og sögu Snæfellsöræfa. Fræðslan fer fram í nágrenni Snæfellsskála og tekur á sig ýmsar myndir. Ef aðstæður leyfa er kveikt upp í eldstæði og þjóðsögur tengdar svæðinu rifjaðar upp - sannkallaður sagnaeldur.
Kverkjökull
Eldur og Ís
Bílastæði við Kverkjökul
Alla daga kl. 10:00
Lengd: 45 mín
Ganga hefst við jökulsporð Kverkjökuls en þar hefur áin Volga runnið undan jöklinum í aldanna rás og myndað íshelli. Rýnt er í samspil eldsvrknis Kverkfjalla og jökulsins sem umlykur þau, en óvíða er samspil elds og íss jafn greinilegt. 10 mínútna akstur er frá Sigurðarskála að bílastæðinu.
Hvannalindir
Griðarstaður í gróðurvin
Bílastæðið við Kreppuhrygg
Alla daga kl. 13:00
Lengd: 1 klst
Hálendisvinin í Hvannalindum hefur löngum veitt viðkvæmu plöntu- og dýralífi skjól, mitt í hrjóstugu landsvæði Krepputungu. Gestir fræðast um lífsbaráttuna á þessum afskekkta stað og rústir útilegumanna frá 18. öld.
Kirkjubæjarklaustur
Fræðslutímabil 15. júní - 15. ágúst
Skaftárstofa
Fjölskyldustundir
Skaftárstofa
Alla laugardaga og sunnudaga kl. 13:00 frá 15. júní - 15. ágúst
Lengd: 30 mín
Leikir og náttúruskoðun með landverði. Hittumst hress og kát.
Margt býr í hólunum
Skaftárstofa
Mánudaga til föstudaga kl. 13:00
Lengd: 1 klst
Gengið er inn í Landbrotshólana þar sem fölbreytni náttúrunnar og nýtingarmöguleikar hólanna eru skoðaðir.
Fjaðrárgljúfur
Móberg, mosi og maður
Bílastæðið við Fjaðrárgljúfur
Alla daga kl. 11:00
Lengd: 1 klst
Gengið um nágrenni Fjaðrárgljúfurs.
Viðburðir á Kirkjubæjarklaustri
31. Júlí - Alþjóðadagur landvarða, landverðir bjóða upp á kaffi og spjall.
8. ágúst - Söguganga á Kirkjubæjarklaustri. Þættir úr sögu Kirkjubæjarklausturs í hinsegin ljósi.
Eldgjá, Hrauneyjar, Lakagígar & Nýidalur
Fræðslutímabil: 15. júlí - 15. ágúst
Eldgjá
Hvernig stækkar Ísland?
Hvernig stækkar Ísland?
Bílastæðið í Eldgjá
Alla daga kl. 11:00
Lengd: 1 klst.
Gengið eftir botni Eldgjárinnar áleiðis að Ófærufossi.
Nýidalur
Hvar eru þessi víðerni?
Við skála FÍ í Nýjadal
Alla daga kl. 9:30
Lengd: 1 klst.
Genginn fræðslustígur sem liggur frá skálasvæðinu, rætt um víðernin frá ýmsum hliðum.
Lakagígar
Fegurð og hörmungar, áhrif Skaftárelda
Bílastæðið við Laka
Alla daga kl. 13:00
Lengd: 1 klst.
Gengið upp á fjallið Laka og sagt frá sögu Skaftárelda.
Fræðsludagskrá Náttúruverndarstofnunar
Fjölbreytt fræðsludagsskrá um allt land á friðlýstum svæðum yfir sumartímann og stakir viðburðir yfir vetrartímann