![](/_next/image?url=https%3A%2F%2Fimages.prismic.io%2Fvatnajokulsthjodgardur%2F4202bc9d-a474-48d1-95be-b284d2206a47_stadur-%2Bafangastadur-falljokull-vefur.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.53%26fp-y%3D0.50%26w%3D1100%26h%3D724&w=3840&q=80)
Falljökull
Falljökull er skriðjökull sem fellur niður úr öskju Öræfajökuls. Aðrir skriðjöklar sem falla ofan af 1.800m háum öskjubarminum eru m.a. Kvíárjökull og Kotárjökull. Falljökull klofnar í tvær tungur um Rauðakamb og nefnist nyrðri tungan Virkisjökull.
Á Falljökli er hægt að fara í jöklagöngur á vegum fjölmargra ferðaþjónustuaðila. Athugið að ætíð ber að fara með gát fyrir framan og á jöklum. Notið viðeigandi öryggisbúnað og farið í fylgd fararstjóra sem hefur reynslu af jöklum.