Kreppuþröng og Valshöfði

Frá Kverkfjallaslóð í Hvannalindum liggur afleggjari suðaustur á bílastæði við norðurendann á Kreppuhrygg. Hægt er að ganga frá vegpresti í skarðinu upp á hrygginn og fylgja honum að Valshöfða, þaðan sem er frábært útsýni yfir Hvannalindir og suðaustur yfir Lindahraun til Kverkfjalla. Einnig er hægt að ganga úr skarðinu austur að Kreppuþröngum þar sem Kreppa byltist í örþröngri rás.