Svæðisstjórn

Um svæðisstjórn Vatnajökulsþjóðgarðs

Svæðisstjórn, skipuð af ráðherra til fjögurra ára í senn, hefur umsjón með náttúruvernd í Vatnajökulsþjóðgarði. Hlutverk svæðisstjórnar er að móta stefnu fyrir svæðið samkvæmt ákvæðum laga um Vatnajökulsþjóðgarð, nr. 60/2007 með síðari breytingum.
Svæðisstjórnin er hluti af Náttúruverndarstofnun og kemur að þróun þeirrar þjónustu sem stofnunin annast innan Vatnajökulsþjóðgarðs og veitir forstjóra og öðrum stjórnendum ráðgjöf um áherslur í rekstri.
Í svæðisstjórn sitja átta fulltrúar: Formenn allra svæðisráða þjóðgarðsins, einn fulltrúi tilnefndur af náttúru- og umhverfisverndarsamtökum og einn fulltrúi tilnefndur af útivistarsamtökum og tveir fulltrúar skipaðir af ráðherra án tilnefningar og skal annar þeirra vera formaður svæðisstjórnar. Skal annar fulltrúinn sem skipaður er án tilnefningar hafa fagþekkingu á verksviði þjóðgarða. Einn fulltrúi tilnefndur sameiginlega af ferðamálasamtökum á starfssvæði þjóðgarðsins og Samtökum ferðaþjónustunnar skal eiga áheyrnaraðild að fundum stjórnar.