Vinnustofa um gerð íshellanámskeiðs
Íshellaferðir hafa notið mikilla vinsælda undanfarin ár. Árlega að vetri til eru mörg fyrirtæki sem stunda íshellaferðir í Vatnajökulsþjóðgarði.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F933ef23f-1a29-463c-af5d-1feba55b9917_2021%2B01%2B26%2B-%2Bvinnustofa%2Bum%2Bishellanamskeid.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
-Íshellaferðir hafa notið mikilla vinsælda undanfarin ár. Árlega að vetri til eru mörg fyrirtæki sem stunda íshellaferðir í Vatnajökulsþjóðgarði. Íshellar eru fallegir og síbreytilegir en fara skal varlega þar sem margar hættur geta leynst í þeim. Til að auka öryggi og þekkingu hefur AIMG (félag fjallaleiðsögumanna) ákveðið að búa til íshellanámskeið fyrir þá sem leiðsegja í íshellum. Námskeiðið er því þörf viðbót en fyrir eru t.d. til námskeið sem taka fyrir jöklagöngur.
Vinnustofan var haldin 13. og 14. janúar hjá Glacier Adventure á Hala í Suðursveit og á Breiðarmerkurjökli til að setja saman námskeiðið. Fyrirtækin sem tóku þátt í vinnustofunni voru: Glacier Adventure, IceGuide, Local Guide, Local Icelander, Niflheimar og Öræfaferðir. Einnig voru þrír fulltrúar frá AIMG ásamt fulltrúa frá Vatnajökulsþjóðgarði á vinnustofunni en það var yfirlandvörður á Breiðarmerkursandi sem einnig hefur stundað jöklaleiðsögn í fjölda ára.
Námskeiðið er í höndum AIMG en fyrirtækin og þjóðgarðurinn munu koma að vinnunni. T.d. sér Local Guide um að leggja drögin að handbók um íshella vegna mikillar reynslu í íshellaferðum.
- Næstu íshellanámskeið verða haldin 22.-23. feb og 24.-25. febrúar árið 2021 en þau verða auglýst frekar á síðu AIMG
Við þökkum fyrir gott samstarf og hlökkum til að auka öryggi og fagmennsku í íshellaferðum.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fbe501501-6c98-49bc-b2aa-abe63147a576_2021%2B01%2B26%2B-%2Bvinnustofa%2Bum%2Bishellanamskeid%2B2.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1359%26h%3D665&w=3840&q=80)
Vinnuhópurinn saman kominn á Hala í Suðursveit