Útboð á rekstri veitingasölu í Skaftafelli
Ríkiskaup fyrir hönd Vatnajökulsþjóðgarðs, óskar eftir rekstraraðila til að taka að sér leigu á húsnæði, aðstöðu og búnaði til reksturs og umsjónar veitingasölu fyrir Vatnajökulsþjóðgarð í Skaftafelli samkvæmt útboðsgögnum sem finna má á Tendsign.is
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F0e9060b5-06a3-4284-afae-7c3b84d3d74b_2022%2B04%2B08_%25C3%259Atbo%25C3%25B0%2B%25C3%25A1%2Brekstri%2Bveitingas%25C3%25B6lu%2B%25C3%25AD%2BSkaftafelli.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Árið 2002 opnaði gestastofa í Skaftafelli. Fyrst um sinn var húsið bara eitt rými með sýningu en frá árinu 2011 hefur verslunar- og síðan veitingarekstur aukist jafn og þétt. Ný og stækkuð aðstaða fyrir veitingasöluna var tekin í notkun árið 2015.
Ákveðið hefur verið að útvista veitingarekstrinum, bjóða hann út til einkaaðila sem skal annast veitingarekstur í Skaftafelli á eigin kennitölu og bera ábyrgð á honum. Hægt er að sjá auglýsinguna inná útboðsvef Ríkiskaupa.
Tilboð þurfa að berast eigi síðar en föstudaginn 22. apríl 2022 klukkan 11:00. Allar nánari upplýsingar um ferlið og kröfur sem bjóðandi verður að uppfylla er að finna gjaldfrjálst í útboðskerfi Ríkiskaupa, TendSign.
Leiðbeiningar um skráningu og skil á tilboðum er hægt að nálgast á heimasíðu Ríkiskaupa. Sjá nánar hér.