Samningur um skipulagsráðgjöf varðandi breytt deiliskipulag við Jökulsárlón
Þriðjudaginn 26. febrúar var gengið formlega frá samning við teiknistofuna Glámu-Kím varðandi skipulagsráðgjöf við breytingar á deiliskipulagi við Jökulsárlón.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F55aabd37-733b-45d7-bc37-cb30b8ea7653_2019%2B02%2B26-frettir-samningur%2Bum%2Bradgjod%2Bskipulag%2Bjokulsarlon.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Þriðjudaginn 26. febrúar var gengið formlega frá samning við teiknistofuna Glámu-Kím varðandi skipulagsráðgjöf við breytingar á deiliskipulagi við Jökulsárlón. Svæðisráð suðursvæðis Vatnajökulsþjóðgarðs leiðir breytingarnar en forsendur þeirra snúa að svæði sem nú er innan Vatnajökulsþjóðgarðs, eftir friðlýsingu jarðarinnar Fells og nærliggjandi þjóðlenda í júlí 2017. Við Jökulsárón er í gildi deiliskipulag frá árinu 2013 en frá gildistöku þess hafa orðið miklar breytingar á svæðinu, m.a. hefur fjöldi gesta sem sækir Jökulsárlón heim aukist úr 350.000 manns árið 2014 í tæplega 840.000 manns árið 2018. Vinnan við deiliskipulag fylgir lögbundu og opinberu ferli við deiliskipulagsáætlanir. Stefnt er að því að breytt deiliskipulag taki gildi á haustmánuðum.