Laust starf: Sérfræðingur í viðhaldi og framkvæmdum
Vatnajökulsþjóðgarður leitar að skipulögðum og drífandi einstaklingi í starf sérfræðings í miðlægri stoðþjónustu þjóðgarðsins.
Vatnajökulsþjóðgarður leitar að skipulögðum og drífandi einstaklingi í starf sérfræðings í miðlægri stoðþjónustu þjóðgarðsins. Starfsmaðurinn mun hafa umsjón með viðhaldsmálum mannvirkja og annarra innviða í þjóðgarðinum. Auk þess mun starfsmaðurinn sinna eftirliti með framkvæmdum og aðstoða mannvirkjafulltrúa við undirbúning og stjórnun framkvæmdaverkefna.
Sérfræðingur í viðhaldi og framkvæmdum starfar á sviði fjármála og framkvæmda og er næsti yfirmaður sviðsstjóri. Vegna eðlis starfsins og meginþunga þeirra verkefna sem um ræðir er þess er krafist að starfsmaðurinn verði með starfsstöð á austanverðu landinu í einu af sveitarfélögunum á áhrifasvæði Vatnajökulsþjóðgarðs.
Starfið er fjölbreytt og kallar á mikil ferðalög um starfssvæði þjóðgarðsins og samskipti við starfsfólk vegna eftirlits með viðhaldi og framkvæmdum.
Helstu verkefni og ábyrgð
- Umsjón, verkefnastjórnun og yfirsýn með viðhaldi mannvirkja og innviða í Vatnajökulsþjóðgarði
- Kostnaðar- og áætlunargerð vegna viðhaldsmála innan Vatnajökulsþjóðgarðs
- Aðstoð við undirbúning umsókna vegna verkefna úr Landsáætlun um uppbyggingu innviða
- Samskipti við verktaka og ráðgjafafyrirtæki vegna viðhaldsmála og framkvæmda
- Aðstoð við miðlun upplýsinga og skýrslugerð um framvindu verkefna
- Þátttaka í tilfallandi samstarfsverkefnum s.s. vegna skipulagsmála og tengdra verkefna
- Skráning upplýsinga og varðveisla gagna um viðhaldsmál
- Undirbúningur og þróun fjárfestingar- og viðhaldsverkefna
- Aðstoð við undirbúning innkaupa, s.s. útboð og verðfyrirspurnir
Hæfniskröfur
- Meistararéttindi í húsasmíði eða annarri byggingariðngrein
- Þekking á framkvæmdum, viðhaldi og skipulagsverkefnum
- Reynsla af verkstjórn með byggingarframkvæmdum
- Kunnátta í gerð kostnaðaráætlana
- Reynsla af notkun AutoCad er kostur
- Reynsla af verkefnastjórnun og öryggismálum er æskileg
- Þekking á opinberri stjórnsýslu er æskileg
- Geta til að tjá sig í ræðu og riti á bæði íslensku og ensku
- Mjög góð samskiptafærni
- Sjálfstæð, öguð og nákvæm vinnubrögð
- Frumkvæði, drifkraftur, hugmyndaauðgi og jákvæðni eru allt góðir kostir í starfið
Starfshlutfall er 100%
Umsóknarfrestur er til og með 26.03.2024