Laust starf: Lögfræðingur

Vatnajökulsþjóðgarður auglýsir laust til umsóknar starf lögfræðings í miðlægri stoðþjónustu þjóðgarðsins. Leitað er að drífandi einstaklingi sem er tilbúinn að takast á við krefjandi verkefni sem unnin eru þvert á starfsstöðvar þjóðgarðsins. Meginstarfsstöðvar Vatnajökulsþjóðgarðs eru staðsettar á Höfn í Hornafirði, í Skaftafelli, á Kirkjubæjarklaustri, í Mývatnssveit, Ásbyrgi og á Skriðuklaustri.

Starfið tilheyrir sviði stefnu og starfshátta. Gert er ráð fyrir að starfsstöð lögfræðings verði á einni af starfsstöðvum þjóðgarðsins en möguleiki er á annarri staðsetningu starfsstöðvar í nágrenni þjóðgarðsins ef um það næst samkomulag og til staðar er hentug aðstaða, t.d. hjá öðrum ríkisstofnunum eða sveitarfélögum.

Sótt er um starfið á Starfatorgi og umsóknarfrestur er til og með 20. nóvember.

Ýttu hér fyrir nánari upplýsingar og umsókn