Sumar- og heilsársstörf í Vatnajökulsþjóðgarði
Hvernig hljómar sumar í einstakri náttúru? Vatnajökulsþjóðgarður auglýsir nú fjölbreytt störf landvarða og þjónustufulltrúa laus til umsóknar. Umsóknarfrestur er til og með 16. febrúar 2024.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fd7b17428-471b-4110-80d6-f3b4522355c5_Kverkfj%25C3%25B6ll%2Bh%25C3%25A1hitasv%25C3%25A6%25C3%25B0i_%25C3%259EM%25C3%259E.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D820&w=3840&q=80)
Viltu upplifa sumar í einstrakri náttúru?
Í Vatnajökulsþjóðgarði starfar fjölbreyttur hópur af fólki um allt land. Landvarsla er mikilvægur hlekkur í starfi þjóðgarðsins og sinna landverðir eftirliti innan hans og á friðlýstum svæðum. Störf landvarða eru fjölbreytt og felast meðal annars í daglegu eftirliti innan þjóðgarðsins og á friðlýstum svæðum. Verkefnin eru með ólíkum áherslum eftir starfsstöðvum en eiga það sameiginlegt að vera skemmtileg og lífleg.
Auglýst er eftir landvörðum á láglendi og hálendi í sumarstörf ásamt þjónustufulltrúum í fjölbreytt störf í gestastofum og á tjaldsvæðum þjóðgarðsins. Einnig er leitast eftir landvörðum í heilsársstöður á Breiðamerkursandi (Jökulsárlóni), í Skaftafelli og í Jökulsárgljúfrum (Ásbyrgi)