Jákvæð niðurstaða í rekstri fjögur ár í röð
Ársreikningur Vatnajökulsþjóðgarðs vegna rekstrar árið 2021 sýnir jákvæða niðurstöðu upp á 30,8 mkr. Þjóðgarðurinn hefur verið með jákvæða rekstrarniðurstöðu í fjögur ár. Rekstur þjóðgarðsins síðustu tvö árin hefur einkennst af miklum sveiflum sem komu aðallega til vegna áhrifa COVID-19 heimsfaraldurs sem og úrbóta á innra starfi og skipulagi.
Samkvæmt ársreikningi fyrir árið 2021 sem birtur var í nýútgefnni ársskýrslu kemur fram að heildarrekstrarkostnaður Vatnajökulsþjóðgarðs var um 916,3 mkr. Til samanburðar þá var heildarrekstrarkostnaður stofnunarinnar vegna ársins 2020 862,1 mkr. Rekstrarkostnaður hækkar því milli ára um 54,3 mkr. eða um 5,9%.
Almennt einkenndist árið 2021 hjá Vatnajökulsþjóðgarði af endurskipulagningu, styrkingu innviða og fjölgun fastráðins starfsfólks. Umskiptin til hins betra hafa verið mikil undanfarin fjögur ár sem kemur ekki síst fram í jákvæðri niðurstöðu ársreiknings Vatnajökulsþjóðgarðs fyrir árið 2021 sem nemur 30,8 mkr.
Sjá nánar kafla um fjármál í ársskýrslu Vatnajökulsþjóðgarðs 2021
Ársreikning Vatnajöklsþjóðgarðs fyrir árið 2021 má nálgast hér
Almennur rekstur 2008-2021
Þróun rekstrarkostnaðar
Rekstrargjöld 2021
Rekstrargjöld 2020
Framlög til reksturs og framkvæmda 2008-2021, undanskilin framlög frá innviðasjóði