Björgunarfélag Hornafjarðar í æfingaferð á nýjum vélsleðum
Félagar í Björgunarfélagi Hornafjarðar nýttu veðurblíðuna sem verið hefur síðustu daga til þess að æfa sig á nýjum vélsleðnum. Farið var upp á Skálafellsjökul og ekið í Svöludal, upp á Kaldárnúp og Grjótarbotnstind.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Ffc64ec7c-c818-44e0-97b1-9826aeddf39d_2021%2B03%2B09%2B-%2Bbjorgunarfelag%2Bvelsledar%2B1.jpg%3Fauto%3Dformat%26crop%3Dfocalpoint%26fit%3Dcrop%26fp-x%3D0.45%26fp-y%3D0.50%26w%3D1640%26h%3D820&w=3840&q=80)
Nýlega fjárfesti Björgunarfélag Hornafjarðar í nýjum vélsleðum. Björgunarfélag Hornafjarðar er sú björgunarsveit sem er með hvað skemmstan viðbragðstíma þegar kemur að útkalli á Vatnajökli og því koma nýir sleðar sér án efa vel komi til óhappa á jöklinum.
Félagar í Björgunarfélagi Hornafjarðar nýttu veðurblíðuna sem verið hefur síðustu daga til þess að æfa sig á nýju sleðunum. Farið var upp á Skálafellsjökul og ekið í Svöludal, upp á Kaldárnúp og Grjótarbotnstind.
Mikilvægt er fyrir samfélögin í nágrenni Vatnajökulsþjóðgarðs að þar séu starfræktar vel útbúnar björgunarsveitir sem geta sinnt útköllum á víðáttumiklu landsvæði þjóðgarðsins. Starfsmenn þjóðgarðsins eru einnig margir hverjir meðlimir í björgunarsveitum á sínum svæðum sem styður við gagnkvæma þekkingu og samvinnu þegar kemur að útköllum.
Vatnajökulsþjóðgarður óskar Björgunarfélagi Hornafjarðar til hamingju með nýju sleðana.
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fa3cd01f5-21f3-4b4f-adb9-effba9fdce0a_2021%2B03%2B09%2B-%2Bbjorgunarfelag%2Bvelsledar%2B2.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D500%26h%3D375&w=1080&q=80)
Við snjólínu við Skálafellsjökul
![](/_next/image?url=https%3A%2F%2Fimages.prismic.io%2Fvatnajokulsthjodgardur%2Fafbb6f03-346d-42b8-a5d1-9b335ba18d9e_2021%2B03%2B09%2B-%2Bbjorgunarfelag%2Bvelsledar%2B3.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D500%26h%3D375&w=1080&q=80)
Horft yfir Kálafellsdal til Esjufjalla
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F87f1b061-5a6a-4efb-9deb-939fe5e5867d_2021%2B03%2B09%2B-%2Bbjorgunarfelag%2Bvelsledar%2B4.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D500%26h%3D375&w=1080&q=80)
Þverártindsegg og Öræfajökull í baksýn
![](/_next/image?url=https%3A%2F%2Fimages.prismic.io%2Fvatnajokulsthjodgardur%2F253343de-8ac3-4ef6-a296-be1d845f7758_2021%2B03%2B09%2B-%2Bbjorgunarfelag%2Bvelsledar%2B5.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1640%26h%3D1230&w=3840&q=80)
Horft frá Karli og Kerlingu yfir Kálfafellsdal