Í Skaftafelli eru afmörkuð stæði fyrir húsabíla og ferðavagna og rúmgott svæði ætlað tjöldum. Á tjaldsvæðinu eru 100 tenglar fyrir rafmagn sem eingöngu eru t.d. ætlaðir fyrir notkun húsbíla og ferðavagna en ekki til hleðslu rafbíla. Það er ekki er hægt að taka frá stæði fyrirfram.

Vinsamlegast greiðið gistigjöld í afgreiðsluhúsi við innkomuna á tjaldsvæðið áður en tjaldað er.

Aðstaða fyrir húsbíla, ferðavagna og tjöld

Tjaldsvæðið er opið allt árið með þeim fyrirvara að aðeins tvær flatir, A og C flatir, eru opnar yfir vetrartímann til þess að koma í veg fyrir skemmdir á öðrum flötum.

Athugið að vegna hættu á frostskemmdum er ekki opið fyrir vatn í útivöskum á veturna, að öllu jöfnu er frostlaust eftir miðjan maí.

Yfirlitsmynd af tjaldsvæðinu í Skaftafelli

Á tjaldsvæðinu eru 8 flatir, merktar með bókstöfunum A-H. Flötunum er skipt í flokka eftir aðgengi að rafmagni, hvort aka megi inn á þær eða ekki og hvort þar séu afmörkuð hólf.

Flatir A og C - Aðgengi fyrir bíla, hólfaskipt og gott aðgengi að rafmagni

Flatir B og D - Aðgengi fyrir bíla og að rafmagni – ekki hólfaskipt

Flatir E, F, G og H -  Óheimilt að aka inn á þessar flatir

Salernisaðstaða er við Skaftafellsstofu og í þjónustuhúsi á miðju tjaldsvæðinu, þar sem einnig er sturtuaðstaða. 

Þvottavél og þurrkari eru í stóra salernishúsinu á miðju tjaldsvæðinu.

Enginn sérstök eldunaraðstaða er fyrir gesti tjaldsvæðis. Þó eru vaskar undir skyggni salernishúss við Skaftafellsstofu og við stóra snyrtihúsið á miðju tjaldsvæðinu, sem og grill sem gestir mega nota.

Gott net- og símasamband er á tjaldsvæðinu og einnig opið þráðlaust internet í gestastofunni (VJP-Guest).

Sýnum öðrum gestum þjóðgarðsins fyllstu kurteisi og tillitssemi í hvívetna. Njótum fuglasöngs og kyrrðar náttúrunnar og spillum henni ekki með háværum tónlistarflutningi eða háreysti. Gætum hófs þegar áfengi er haft um hönd.

Næturfriður skal ríkja á tjaldsvæðum þjóðgarðsins frá kl. 23:30 til 07:00.

Óheimilt er að afla eldiviðar innan marka þjóðgarðsins. Gæta skal þess að skapa hvorki eldhættu né valda gróðurskemmdum með ógætilegri meðferð kolagrilla, gasgrilla eða annarra eldunartækja. Forðast skal að spilla gróðri með því að hella niður heitu vatni eða óhreinu.

Gæludýr eru leyfileg á tjaldsvæðum þjóðgarðsins séu þau í tryggri vörslu umráðamanna sinna. Gæludýr skulu ávallt vera í taumi. Gæta skal þess að gæludýr valdi ekki truflun á lífríki þjóðgarðsins eða valdi gestum ónæði.

Ávallt skal ganga snyrtilega um tjaldsvæðið og nágrenni þess. Sorp og annan úrgang skal setja í þar til gerð ílát og flokka ef þess gefst kostur (sorpflokkunarstöð er við Skaftafellsstofu). Flöskur og dósir með skilagjaldi má setja í þar til gerð ílát.

Tjöldun utan merktra tjaldsvæða er að öllu jöfnu óheimil í Skaftafelli, þ.m.t. á Skaftafellsheiði, í Bæjarstaðarskógi og í Morsárdal. Þó er heimilt að tjalda í Skaftafellsfjöllum ofan 400 metra hæðar og á svæði í mynni Kjósar. Ferðafólk afli upplýsinga hjá þjóðgarðinum um tjöldun á þessum svæðum.

Tjaldsvæðið í Skaftafelli

Verðskrá tjaldsvæðis

Opnunartímar

Aðstaða

Yfirlitsmynd af tjaldsvæðinu í Skaftafelli

Hagnýtar upplýsingar

Þjónusta á tjaldsvæðinu

Umgengni

Sorpflokkun

Tjöldun utan merktra tjaldsvæða