Tilkynningar frá Vatnajökulsþjóðgarði vegna kórónaveiru COVID-19

 

Lokanir og breyttur afgreiðslutími í gestastofum

Lokanir

Eftirtaldar móttökur og gestastofur þjóðgarðsins eru lokaðar þann tíma sem samkomubann er í gildi en hægt er að hafa samband í síma 575-8400 eða info@vjp.is

Urriðaholtsstræti 6-8, 210 Garðabær

Einhleypingi 1, Fellabæ, 700 Egilsstaðir

Skaftárstofa, gestastofa Kirkjubæjarklaustri

Snæfellsstofa á Skriðuklaustri

Gamlabúð á Höfn

 

Breyttur afgreiðslutími í gestastofum Vatnajökulsþjóðgarðs

Vegna minnkandi umferðar ferðamanna og aukins tíma sem fer í ræstingar og þrif hafa þjóðgarðsverðir í Vatnajökulsþjóðgarði breytt afgreiðslutímum í gestastofum þjóðgarðsins sem hér segir:

 

Gljúfrastofa í Ásbyrgi verður opin alla virka daga í mars og apríl frá 11 til 15. 

Fyrirhugað var að Gljúfrastofa yrði opin alla daga í mars - apríl frá 10 til 16.

Skaftafellsstofa verður opin alla daga í mars og apríl frá 11 til 16.

Fyrirhugað var að Skaftafellsstofa yrði opin alla daga í mars - apríl frá 9 til 18.

 

Páskaopnun gestastofa verður auglýst síðar ef til hennar kemur.

Athygli er vakin á því að aðstæður kunna að leiða til frekari breytinga á afgreiðslutíma. Ákvörðun um páskaopnun verður metin í ljósi þess hvernig aðstæður þróast á næstu 2-3 vikum. Og þrátt fyrir skerta þjónustu í gestastofum er þjóðgarðurinn áfram opinn gestum.

Vatnajökulsþjóðgarður og samkomubann 

Heilbrigðisráðherra hefur lýst yfir á samkomubanni á Íslandi næstu fjórar vikurnar frá 15.mars til 15.apríl. Markmið þess er að draga úr útbreiðslu COVID19 veirunnar á Íslandi. 

Nýjustu upplýsingar

Samkomubannið nær frá og með 24. mars til skipulagðra viðburða þar sem fleiri en 20 manns koma saman. Við öll minni mannamót þarf auk þess að tryggja að nánd milli fólks sé yfir tveir metrar.

Skipulagðir viðburðir sem bannið nær til eru til dæmis:

  • Ráðstefnur, málþing, fundir og hliðstæðir viðburðir.
  • Skemmtanir, s.s. tónleikar, leiksýningar, bíósýningar, íþróttaviðburðir og einkasamkvæmi.
  • Trúarathafnir hvers konar, s.s. vegna útfara, giftinga, ferminga og annarra trúarsamkoma.
  • Aðrir sambærilegir viðburðir með 20 einstaklingum eða fleiri.

Hvað fellur ekki undir samkomubann?

Samkomubannið nær ekki til alþjóðaflugvalla eða alþjóðahafna, flugvéla eða skipa. Hvatt er til öflugra sóttvarnaráðstafana og að rekstraraðilar grípi til ýtrustu ráðstafana til að minnka möguleika á smiti.

www.covid.is
https://www.landlaeknir.is/koronaveira/
www.thingvellir.is

 

Ríkislögreglustjóri hefur lýst yfir neyðarstigi almannavarna í samráði við sóttvarnalækni vegna kórónaveiru (COVID-19)

Neyðarstigi almannavarna er í gangi vegna veirunnar. Það er gert m.a. á grunni þess að sýkingin er nú farin að breiðast út innanlands. Virkjun neyðarstigs hefur ekki teljandi áhrif á almenning umfram hættustig. Ekki hefur verið lagt á samkomubann. Stjórnvöld og viðbragðsaðilar hafa undanfarið unnið að miklu leyti eins og um neyðarstig væri að ræða og því hafa ýmsar ráðstafanir sem neyðarstig kveður á um þegar verið gerðar. Þar má nefna áætlanir um vöktun og farsóttagreiningu ásamt því að tryggja að sóttvarnaráðstöfunum sé beitt. Sóttvarnalæknir beinir því sérstaklega til þeirra sem teljast til viðkvæmra hópa, einkum þá sem eru með undirliggjandi sjúkdóma og eldri einstaklinga að huga vel að hreinlætisaðgerðum (https://www.landlaeknir.is/smit-og-sottvarnir/sykingavarnir-fyrir-almenning/) og forðast mannamót að óþörfu.

 

Viðvörun til ferðamanna

Tilkynning til farþega um nýja kórónaveirusýkingu (COVID-19)


Hafir þú dvalið á svæði þar sem COVID-19 sjúkdómur gengur er mikilvægt að þú fylgist sérstaklega með heilsu þinni. Veikist þú með hita, hósta og/eða öndunarörðugleika innan 14 daga eftir ferð frá því landi er þér ráðlagt að hafa samband við lækni. Á dagvinnutíma (frá kl. 08:00–16:00) getur þú hringt í heilsugæsluna og fengið að tala við hjúkrunarfræðing en utan dagvinnutíma er hægt að hringja í síma Læknavaktarinnar 1700 og fá ráðleggingar hjá hjúkrunarfræðingi. Við alvarleg veikindi er bent á neyðarlínuna 112. Lista yfir núverandi áhættusvæði er að finna á vef embættis landlæknis. Ef þú hefur spurningar um þennan faraldur er þér bent á heimasíðu embættis landlæknis: www.landlaeknir.is og vef Alþjóðaheilbrigðismálastofnunarinnar.

 


Fannst þér efnið á síðunni hjálplegt?