Dagur íslenskrar náttúru

Fátt hefur mótað íslenska þjóð eins og náttúran. Íslendingar hafa aðlagað líf sitt samspili elds og ísa, dyntóttum veðurguðum og kröftugum sjávarföllum. Um leið hafa þeir notið alltumlykjandi náttúrufegurðar og haft lífsviðurværi sitt af ríkulegum gjöfum náttúrunnar.

Dagur íslenskrar náttúru er haldinn hátíðlegur 16. september ár hvert og eru einstaklingar, skólar, stofnanir, fyrirtæki og félagasamtök hvött til að hafa daginn í huga í starfsemi sinni.

Fræðsluganga í Skaftafelli

Í tilefni dagsins verður sérstök fræðsluganga í Skaftafelli um sögu Vatnajökulsþjóðgarðs klukkan 13:00.

Létt ganga sem tekur um 1-1,5 tíma og við viljum minna gesti á að vera klæddir eftir veðri.

Fannst þér efnið á síðunni hjálplegt?