Umgengni

ALMENN UMGENGNI Í ÞJÓÐGARÐINUM

Sagt er að umgengni lýsi innri manni. Mikilvægt er að virða einfaldar reglur í þjóðgörðum og á friðlýstum svæðum, þó ekki væri nema fyrir mikla umferð sem jafnan verður á þeim. Munum því eftir:

• Að halda næturró á tjaldsvæðum frá kl. 23:00 til 07:00.
• Að ganga snyrtilega um tjaldsvæðin og sýna öðrum gestum tillitssemi.
• Að hlífa gróðri tjaldsvæða, hellum ekki niður heitu vatni né brennum gróður með eldunartækjum.
• Að hafa ekki hunda eða önnur gæludýr laus í þjóðgarðslandinu eða á tjaldsvæðum og þrífum eftir þau úrgang.
• Óheimilt er að vinna spjöll á náttúrunni, svo sem brjóta greinar, grafa upp plöntur, trufla dýralíf, hrófla við stuðlabergi og öðrum jarðmyndunum eða hlaða vörður.
• Óheimilt er að skilja eftir eða grafa rusl í þjóðgarðslandinu og eru gestir hvattir til að flokka það sorp sem skilið er eftir.
• Óheimilt er að kveikja eld á víðavangi.
• Tökum ekkert með okkur nema myndir og minningar, skiljum ekkert eftir nema létt fótspor.