Tjaldsvæði
Tjaldsvæði í þjóðgarðinum
Á vegum Vatnajökulsþjóðgarðs eru rekin tjaldsvæði í Skaftafelli og Jökulsárgljúfrum. Einnig er að finna tjaldsvæði við flesta gistiskála innan þjóðgarðsins.
Tjaldsvæðin í Skaftafelli og Ásbyrgi eru stór og með stæði fyrir tjöld, fellihýsi og húsbíla. Þar er ýmis aukaþjónusta í boði; rafmagn fyrir húsbíla og fellihýsi, sturtur, þvottavélar og þurrkarar, internet og raftækjahleðsla. Í Vesturdal er engin aukaþjónusta í boði.
Þjónusta er á tjaldsvæðum þjóðgarðsins á eftirfarandi tímabilum:
- Skaftafell: 1. maí - 30. september
- Ásbyrgi: 15. maí - 30. september
- Vesturdalur: 7. júní - 15. september
Hafa þarf samband við þjóðgarðsvörð ef gestir hyggjast dvelja á tjaldsvæðum utan þjónustutíma.
Reglur um tjöldun
Innan þjóðgarðsins ber gestum að nota skipulögð tjaldsvæði fyrir tjöld, tjaldvagna, fellihýsi, hjólhýsi og húsbíla. Fjarri skipulögðum tjaldsvæðum er fólki sem ferðast fótgangandi með allan farangur sinn þó heimilt að tjalda hefðbundnum göngutjöldum til einnar nætur. Hópar göngumanna þar sem eru 10 tjöld eða fleiri þurfa þó leyfi þjóðgarðsvarðar. Við tjöldun utan skipulagðra tjaldsvæða skal gæta þess að valda ekki skemmdum á vettvangi og jafnframt skal bera allt sorp til byggða.
Göngumenn eru beðnir að hafa í huga að óheimilt er að tjalda á eftirtöldum svæðum:
- Í Jökulsárgljúfrum utan skipulagðra tjaldsvæða
- Að sumarlagi á svæði sem nýtur sérstakrar verndar í Öskju
- Á láglendi á Hoffellssvæði og Heinabergssvæði
- Á Skaftafellsheiði og í nágrenni Kristínartinda, einnig í Morsárdal og Bæjarstaðaskógi. Í mynni Kjósar í Morsárdal er þó heimilt að tjalda göngutjöldum að fengnu leyfi þjóðgarðsvarðar.
Verðskrá Vatnajökulsþjóðgarðs fyrir árið 2013 (skv. reglugerð)
Verðskráin gildir á tjaldsvæðum þjóðgarðsins í Skaftafelli, Ásbyrgi og Vesturdal, og í skála og tjaldsvæði við Snæfell.Virðisaukaskattur er ekki innifalinn í uppgefnu verði.
Gjald fyrir einn í gistingu í eina nótt á tjaldstæði í tjaldi, fellihýsi, tjaldvagni, hjólhýsi eða húsbíl:
|
1. |
Almennt gjald |
kr. |
1.300 |
|
|
2. |
13 til 16 ára börn, í fylgd með fullorðnum |
kr. |
650 |
|
|
Aðgangur 12 ára og yngri barna, í fylgd með fullorðnum, að tjaldstæði er gjaldfrjáls. |
||||
|
Gjald fyrir gistingu í skála eina nótt |
kr. |
5.200 |
||
Gjald fyrir aðra þjónustu, virðisaukaskattur innifalinn í verði:
|
1. |
Sturtugjald, eitt skipti |
kr. |
500 |
|
|
2. |
Rafmagn fyrir húsbíl, hjólhýsi og fellihýsi, einn sólarhringur |
kr. |
800 |
|
|
3. |
Afnot af þvottavél, eitt skipti |
kr. |
500 |
|
|
4. |
Afnot af þurrkara, eitt skipti |
kr. |
500 |
|
|
5. |
Gjald vegna almenns aðgangs að aðstöðu í skála, einn dagur |
kr. |
500 |
|
|
6. |
Tjaldleiga, einn sólarhringur |
kr. |
2.500 |
|
|
7. |
Sértæk þjónusta við ferðamenn skv. beiðni, sem felur í sér sérstakt vinnuframlag af hálfu starfsmanna þjóðgarðsins og akstur |
kr. |
10.000 |
hver klst. |
|
8. |
Kortabæklingur |
kr. |
550 |
stk. |
|
9. |
Aðrir bæklingar |
kr. |
350 |
stk. |
Hópaafsláttur:
10 manna hópur eða fleiri: 10% afsláttur af gistingu, utan gistináttagjalds, ef staðgreitt. Skilyrði er að hópstjóri greiði fyrir allan hópinn.