Landvörslustöðvar á hálendi

Á sumrin sjá landverðir þjóðgarðsins um eftirlit og fræðslu á hálendissvæðum þjóðgarðsins. Viðverutími þeirra er breytilegur milli svæða. Fyrstu landverðir eru mættir um það leyti sem vegir eru opnaðir, upp úr miðjum júnímánuði. Síðustu landverðirnir hverfa til byggða í lok september.

Landverðir hafa aðsetur í landvörslustöðvum sem staðsettar eru innan hálendis þjóðgarðsins eða nærri þjóðgarðsmörkum. Einnig eru landvörslustöðvar á friðlýstum svæðum í umsjón þjóðgarðsins.

Í flestum tilfellum eru landvörslustöðvarnar í eða við gistiskála á hálendinu.