Skaftafell
Skaftafell var lögformlega fest sem þjóðgarður árið 1967 og hefur allt frá því að Skeiðarársandur var brúaður verið vinsæll áfangastaður jafnt innlendra sem erlendra ferðamanna.
Náttúrufegurð, veðurskilyrði og úrval gönguleiða gera Skaftafell að kjöráfangastað þeirra sem vilja njóta útivistar í íslenskri náttúru. Eiga allir að geta fundið leið við sitt hæfi. Stuttar og auðveldar leiðir liggja að Svartafossi og Skaftafellsjökli, en fyrir þá sem vilja fara lengra eru Morsárdalur og Kristínartindar helstu áfangastaðir. Nálægð við Öræfajökul gerir Skaftafell líka að kjörinni bækistöð þá sem ætla að ganga á hæsta tind landsins, Hvannadalshnjúk.
Sjálfstæð ferðaþjónustufyrirtæki hafa aðsetur í Skaftafelli og bjóða skipulagðar ferðir á jökul, mismunandi að erfiðleikastigi. Einnig er í boði útsýnisflug um Vatnajökul og nágrenni.
