Beint í leiðarkerfi vefsins.
Í Jökulheimum hefur byggst upp aðstaða á vegum Jöklarannsóknafélags Íslands vegna ferða á Vatnajökul. Er umhverfi þar bæði eyðilegt og stórbrotið. Má þar líta lítt grónar vikursléttur og melafláka milli sérkennilegra stökkulbólstrabergsbreiða, jökulrofna móbergshamra og fjölbreytta gíga. Undan Tungnaárjökli kemur Tungná sem er ein vatnsmesta jökulá landsins.
Frá Mývatni er boðið upp á dagsferðir í Öskju með viðkomu í Herðubreiðarlindum. Frá Akureyri er farin þriggja daga ferð þar sem einnig er farið í Kverkfjöll.
Vegur F88 liggur frá þjóðvegi 1 um Herðubreiðarlindir að Drekagili. Á leiðinni eru tvö vöð sem geta verið ófær minni jeppum. Frá Drekagili liggur vegur F894 að bílastæði nærri Öskju.
Frá Jökulheimum er stutt að ganga á Skálahnjúk eða Heimabungu og fá þaðan gott útsýni yfir Tungná og svæðið í kring. Skammt frá Jökulheimum er vegslóð norður að móbergsdranginum Dór og þaðan er stutt í Heljargjá.
Landvörður með aðsetur í Hrauneyjum hefur eftirlit með Jökulheimum og svæðinu þar í kring. Til hans er hægt að leita eftir upplýsingum.
