Aðgengi hreyfihamlaðra
Eitt af markmiðum Vatnajökulsþjóðgarðs er að gera hreyfihömluð kleift að njóta garðsins og innviða hans. Eru gestastofur Vatnajökulsþjóðgarðs í Ásbyrgi og Skaftafelli aðgengilegar öllum, og svo verður einnig um gestastofu þá sem í byggingu er á Skriðuklaustri.
Á tjaldsvæðum í Ásbyrgi eru salerni aðgengileg öllum og í Skaftafelli eru sturtur líka aðgengilegar. Ennfremur eru þannig salerni á eftirtöldum áningarstöðum:
Norðursvæði:
- Dettifoss beggja megin
- Hólmatungur
- Vesturdalur (Hljóðaklettar)
Vestursvæði:
- Tjarnargígur við Laka
Slitlagsbundinn stígur er frá Skaftafellstofu áleiðis að Skaftafellsjökli. Endar slitlagið við útsýnispall nálægt jöklinum og er greiður aðgangur fyrir hjólastóla þangað.
Gráðun gönguleiða innan Vatnajökulsþjóðgarðs tilgreinir mismunandi gerðir stíga sem eru færir hreyfihömluðum. Byggir hún á flokkunarviðmiðum fyrir aðgengi að áningar- og útivistarsvæðum á Íslandi sem gefin eru út af Ferðamálastofu. [pdf 161kb]