Ferðast um þjóðgarðinn
Á hverju ári leggur fjöldi manns leið sína í Vatnajökulsþjóðgarð til að upplifa íslenska náttúru og menningu og njóta hvors tveggja. Þjóðgarðurinn er víðfemur og innan hans eru fjölmargir áfangastaðir bæði á láglendi og hálendi. Þjónusta við ferðamenn er breytileg milli staða en reynt er að miðla upplýsingum til ferðamanna í gestastofum og á upplýsingaskiltum, eða þá með lifandi leiðsögn landvarða. Nýtist þá vel gott úrval gönguleiða í þjóðgarðinum.
Á vegum Vatnajökulsþjóðgarðs eru rekin tjaldsvæði í Jökulsárgljúfrum og Skaftafelli. Eru gestir hvattir til að kynna sér þær umgengnisreglur sem gilda á tjaldsvæðum sem og í þjóðgarðinum. Eins er brýnt, sérstaklega fyrir þá sem hyggjast ferðast um jökla og hálendið, að athuga vel upplýsingar um öryggi ferðamanna sem finna má hér á vefnum sem og á vef Landsbjargar.
Á vegum Vatnajökulsþjóðgarðs eru rekin tjaldsvæði í Jökulsárgljúfrum og Skaftafelli. Eru gestir hvattir til að kynna sér þær umgengnisreglur sem gilda á tjaldsvæðum sem og í þjóðgarðinum. Eins er brýnt, sérstaklega fyrir þá sem hyggjast ferðast um jökla og hálendið, að athuga vel upplýsingar um öryggi ferðamanna sem finna má hér á vefnum sem og á vef Landsbjargar.