Skálafell - Heinabergslón
Ganga sem liggur frá bænum Skálafelli og að Heinabergslóni. Hægt er að hefja gönguna á öðrum hvorum staðnum.
Gengið er frá Skálafelli, til austurs, líkt og ef ætlunin er að ganga um Hjallanes. Fljótlega er þó beygt til hægri út af þeirri leið og að göngubrú yfir Kolgrímu. Þegar komið er yfir brúna, er gengið um Austurland, hjá Hellisvatni og fylgir leiðin Kolgrímu að stórum hluta þangað til komið er að Heinabergslóni. Þessi leið er tiltölulega slétt.
Tengdar gönguleiðir
Heinabergslón - Fláajökull (Hólmsá)
Vegfarendur sem hyggjast fara þessa leið, ættu að hafa í huga að brú sem var yfir Hólmsá hrundi í miklum flóðum í september 2017. Ekki er mælt með því að vaða Hólmsá.
Fláajökull (Hólmsá) - Haukafell
Þessi leið liggur milli Hólmsár og Haukafells. Bílastæði eru á báðum endum leiðarinnar og brú yfir Kolgrafardalsá, sem þvera þarf nálægt Haukafelli.