Stjórn
Stjórn Vatnajökulsþjóðgarðs hefur umsjón með náttúruvernd í Vatnajökulsþjóðgarði og eru helstu verkefni hennar eftirfarandi:
- Stefnumótun í málefnum þjóðgarðsins.
- Yfirumsjón með gerð tillögu að verndaráætlun og reglugerðar fyrir þjóðgarðinn.
- Gerð fjárhagsáætlunar um rekstur þjóðgarðsins, ráðstöfun fjár til rekstrarsvæða og samþykkt rekstraráætlunar hvers svæðis.
- Samræming á starfsemi rekstrarsvæða þjóðgarðsins.
- Eftirlit með framkvæmd reglna þjóðgarðsins og verndaráætlunar.
- Samstarf við stofnanir, sveitarfélög og hagsmunaaðila um málefni þjóðgarðsins.
Stjórn Vatnajökulsþjóðgarðs hefur yfirumsjón með náttúruvernd í garðinum. Hún fer með stjórn stofnunarinnar og mótar stefnu í málefnum þjóðgarðsins í samræmi við markmið laga um þjóðgarðinn og í samvinnu við fleiri aðila. Í því skyni hefur stjórnin yfirumsjón með gerð tillögu til umhverfisráðherra um Stjórnunar- og verndaráætlun fyrir þjóðgarðinn, að fengnum tillögum svæðisráða. Stjórnunar- og verndaráætlun er eitt helsta tæki stjórnar þjóðgarðsins til þess að ná markmiðum laga um þjóðgarðinn. Tillaga stjórnar að Stjórnunar- og verndaráætlun skal unnin í samráði við Umhverfisstofnun og Náttúrufræðistofnun Íslands. Stjórnin gerir jafnframt tillögu til ráðherra um reglugerð fyrir þjóðgarðinn.
Stjórn hefur umsjá með rekstri þjóðgarðsins, gerir fjárhagsáætlanir og ráðstafar fé til starfseminnar. Stjórn ræður framkvæmdastjóra til starfa. Hún ræður einnig þjóðgarðsverði til starfa að tillögum svæðisráða og ákveður verkaskiptingu þeirra. Stjórnin vinnur að málefnum þjóðgarðsins og markmiðum í samráði við svæðisráðin. Það er hlutverk stjórnar að samræma starfsemi á rekstrarsvæðunum fjórum þannig að þjóðgarðurinn allur skoðist sem ein heild.
Stjórnin hefur að öðru leyti eftirlit með framkvæmd Stjórnunar- og verndaráætlunar og reglna þjóðgarðsins. Hún veitir leyfi fyrir framkvæmdum sé ekki mælt fyrir um þær í Stjórnunar- og verndaráætlun og á samstarf við sveitarfélög, stjórnsýslustofnanir og hagsmunaaðila um málefni þjóðgarðsins, svo sem verndun, skipulagsmál og framkvæmdir.
Um ákvarðanir stjórnar gilda stjórnsýslulög.
Stjórn Vatnajökulsþjóðgarðs skipa:
Kristveig Sigurðardóttir - formaður
Varamaður: Gunnar Sveinbjörn Ólafsson
Rósa Björk Halldórsdóttir - varaformaður
Varamaður: Þorsteinn M. Kristinsson
Böðvar Pétursson - aðalmaður
Soffía Helgadóttir, varamaður
Björn Ármann Ólafsson - aðalmaður
Sigrún Blöndal, varamaður
Hjalti Þór Vignisson - aðalmaður
Björn Ingi Jónsson, varamaður
Elín Heiða Valsdóttir - aðalmaður
Sigurður Skúlason, varamaður
Sigrún Helgadóttir - aðalmaður, tilnefnd af umhverfisverndarsamtökum
Björn H. Barkarson, varamaður
Snorri Ingimarsson - aðaláheyrnarfulltrúi tilnefndur af Samtökum útivistarfélaga
Þorvarður Helgason, varaáheyrnarfulltrúi