Skaftafellsstofa

Skaftafellsstofa er upplýsinga- og fræðslumiðstöð þar sem gestir fá svör við spurningum um náttúrufar Skaftafells, gönguleiðir, gistingu og afþreyingu í næsta nágrenni.

Í Skaftafellsstofu er sögð saga elds og íss og hvernig hin sterku náttúruöfl hafa tekist á og mótað umgjörð svæðisins. Sagt er frá menningu sem hefur dafnað í skjóli jökulsins og lífi fólks þar sem eldgos og jökulhlaup hafa sett mark sitt á daglegt líf. Í Skaftafellsstofu má einnig sjá muni úr örlagaríkum leiðangri breskra háskólastúdenta árið 1952 og fræðslumynd um Skeiðarárhlaupið árið 1996.

Í Skaftafellstofu er þjóðgarðsverslun með bækur, póstkort og handverk. Lögð er áhersla á íslenskar vörur og muni sem tengjast byggðarlaginu.

* Lokað 24.-26. desember og 31. des - 1. jan.

Gestir sem koma utan afgreiðslutíma geta fundið flestar helstu upplýsingar á vefnum, m.a. um ástand gönguleiða.

er rúmgott. Sérstakt svæði er ætlað fyrir hjól- og fellihýsi, tjaldvagna og húsvagna. Tjaldsvæðið er opið frá 1. maí til loka september. Óheimilt er að tjalda eða gista í bílum og húsvögnum utan merktra tjaldsvæða án sérstaks leyfis þjóðgarðsvarðar. Í Skaftafelli eru engin akvegir nema heimreið að bæjum. Bílastæði eru við tjaldsvæðið og frá því liggja gönguleiðir um þjóðgarðinn.

Landverðir starfa í Skaftafelli yfir sumarmánuðina ásamt þjóðgarðsverði. Gestir eru hvattir til að leita upplýsinga og fræðslu hjá starfsfólki þjóðgarðsins. Undir leiðsögn landvarða bjóðast gönguferðir þar sem gestum gefst kostur á að kynnast stórbrotnu landi Skaftafells og fræðast um sögu og náttúru með staðkunnugum. Gengnar eru ólíkar leiðir og ættu allir að geta fundið gönguleið við sitt hæfi.

ALMENNAR UPPLÝSINGAR:
Skaftafellsstofa
785 Öræfi
Sími: 470 8300
Fax: 470 8309
skaftafell@vjp.is