Um okkur
Description

Fréttir

Leiðangur í Öskju

17.4.2012

Um síðustu helgi fóru nokkrir starfsmenn Vatnajökulsþjóðgarðs ásamt hóp vísindamanna að Öskjuvatni í Dyngjufjöllum. Vísindamennirnir komu frá Veðurstofu Íslands og Jarðvísindastofnun Háskóla Íslands og voru að rannsaka hvað gæti valdið því að Öskjuvatn er íslaust, sem er óvanalegt miðað við árstíma. Það sem var m.a. athugað var hitastig vatnsins, lesið var af jarðskjálftamælum og gerðar voru GPS landmælingar. Vísindamenn eru enn að störfum þegar þetta er ritað, og ráðgerðu að vera í 4-5 daga. Starfsmenn þjóðgarðsins sinntu eftirliti í ferðinni, réttu vísindamönnunum hjálparhönd m.a. með áralangri staðþekkingu sinni í Öskju. Þeir öfluðu sér einnig mikilvægrar reynslu til að mæta óvæntum aðstæðum sem upp kunna að koma í víðáttumiklum þjóðgarðinum á öllum árstímum. Myndir frá ferðinni eru hér fyrir neðan og voru teknar af starfsmönnum þjóðgarðsins.

OLYMPUS DIGITAL CAMERA

 Vísindamenn fóru á gúmmíbát út á Öskjuvatn til að mæla hitastig vatnsins.

OLYMPUS DIGITAL CAMERA

Jarðhitasvæði við Mývetningahraun, við vatnsbakkann.

OLYMPUS DIGITAL CAMERA

Öskjuvatn er 11 km2 að stærð og gúmmíbáturinn er aðeins lítill depill á vatninu.

Hallamaelingar-(GPS)

Benedikt Ófeigsson að störfum við GPS landmælingar.

Thorvaldstindur-gnaefir-500-metra-yfir-Oskjuvatn-(1)

Þorvaldstindur gnæfir 500 m yfir Öskjuvatn.

Herdubreid-(1)

Drottningin sjálf, Herðubreið,var að sjálfsögðu fest á mynd í ferðinni.