Vatnajökulsþjóðgarður

Vatnajökulsþjóðgarður er víðfemur og nær yfir rúm 13% af Íslandi. Þó stór hluti þjóðgarðsins sé undir jökulhettu Vatnajökuls er landslag hans fjölbreytilegt. Má það helst þakka samspili eldvirkni, jarðhita og myndunar jökla, landmótun jökla og vatnsfalla.

Vatnajökulsþjóðgarður var formlega stofnaður 7. júní 2008. Þjóðgarðinum er skipt í fjögur svæði sem hvert um sig samanstendur af fjölmörgum náttúruperlum. Er eitt helsta hlutverk þjóðgarðsins að gera almenningi að njóta þessara svæða í gegnum upplifun og fræðslu.

Norðursvæði er að nokkru leyti aðskilið frá meginsvæði Vatnajökulsþjóðgarðs. Askja, Herðubreiðarlindir og Jökulsárgljúfur heyra til norðursvæðisins og er gestastofa þess í Ásbyrgi. Önnur gestastofa er fyrirhuguð að Mývatni.

Austursvæði nær um Kverkfjöll og Snæfellsöræfi. Einnig tilheyra því friðlöndin í Hvannalindum og Kringilsárrana. Gestastofa fyrir austursvæðið er í byggingu á Skriðuklaustri.

Suðursvæði nær frá Lómagnúpi að Lóni. Á suðursvæði er gestastofa í Skaftafelli og fyrirhugað er að reisa aðra gestastofu á Höfn í Hornafirði.